^*influ/i ^UV

(x)

Morale aŭ materie efiki al iu aŭ io, iagrade modifi ĝian funkciadon: ŝi koniĝis kun personoj, kiuj malbone ŝin influas [1]; ili eraris, vidante imagatan teron, kaj ambaŭ fojojn tiuj ĉi eraroj terure influis la ŝipanaron [2]; la oratoro influas la publikon per sia parolado, ankaŭ la publiko influas la oratoron per siaj agoj kaj reagoj [3]; lian politikan sintenon forte influis lia kunuleco kun Hamul kaj Ijob [4]; tiu ĉi penso influis Ramzeson, kiel pokalo da bona vino [5]; influi la sorton [6]; [tio] favore influis la iradon de lia farto [7]; la socia ĉirkaŭaĵo influas ankaŭ rekte la lingvon [8]; bone informitaj civitanoj povas influi la finajn decidojn [9]. direkti³, gvidi², impresi, inspiri, instigi, konsili, lobii, manipuli², persvadi

Havanta influon: la jezuitoj […] estas same influhavaj, regemaj kaj intrigemaj kiel antaŭ du jarcentoj [10]; Don Isaĥar, […] estas la bankiero de la kortego kaj influhava persono [11]; grandaj kaj influaj potencoj starigis aŭtoritatan komitaton, kiu devas decidi [12]; dank’ al helpo de influaj amikoj […] [13]; la influa Budapeŝta Skolo [14]; la kulture influa japana Oomoto [15].

Efiko al iu aŭ io: ŝi estas bela, sed iom malsaĝa [kaj] ne scius ekspluati sian influon al la princo [16]; ĉi tiu sento subite eksilentis sub la influo de la surdiganta sciigo [17]; sub la influo de ĉi tiuj disputoj […], li komencis […] [18]; li vidas en tio nur la ĉiopovan influon de la majstro [19]; sub la influo de agitado de diversaj niaj malamikoj oni ofte kulpigas nin pri celoj, kiujn ni neniam havis [20]; estos por ŝi pli kaj pli malfacile senefikigi iliajn malbonajn influojn [21]; la luno ne nur al la tajdo havas influon [22]. impreso, inspiro, instigo

Kiu iel povas suferi influon: facile influebla homo; la elektron-metalo tute ne estas influebla de alkaloj kaj lesivoj [23].

(ntr)

Ricevi influon de...: li influiĝas sole de kalkulo pri eventualaj perdoj aŭ gajnoj financaj [24].

Populara publicisto en sociaj retejoj, kiu enspezas per reklamoj kaj rekomendoj: ĉu starigi defion, aŭ kunigi ĉiujn jutubistojn kaj influistojn? – mi ne scias ĉu ni havas influistojn en Esperantujo [25]. lobiisto

Influo kun mala efiko kompare kun alia influo: ĉar mankis ŝia kontraŭinfluo, lia frenezo […] grade forpelis la klientojn [26].

Kiu ne influas, ne pezas, ne efikas: seninflueco de la gramatiko sur la vortaron [27]; eĉ se seninfluaj, ni estas almenaŭ propagandemaj [28].