^*kopi/i ^UV

(tr)

1.

Reprodukti tekston, dosieron, datumojn, produkton je unu aŭ pluraj ekzempleroj: kopii libron, leteron, dokumenton; antaŭ ol cindrigi la leteron, mi kopiis ĝin stenografie [1]; kopii en oficejoj fremdajn skribaĵojn ^Marta ; mi ricevis permeson kopii diskojn por eduka celo [2]; li posedis francan vortaron de Larouse kun multaj ilustraĵoj, kaj kopiis por mi preskaŭ ĉiujn ilustraĵojn [3]; kopii pozitivan bildon de negativo sur papero; en ĉiuj landoj ekzistas striktaj leĝoj pri kopirajto, kiuj malpermesas kopii literaturan verkon, bildon, muzikon ktp, sen antaŭe – kutime kontraŭ pago – akiri la rajton por tio [4]; [li] havigis tajpilon, sur kiu speciale dungita persono kopias la manuskriptojn [5]. paŭsi, transskribi¹

2.

Reprodukti belartan verkon: kopii pentraĵon, statuon; mi ne estas tia artistino, kiel tiu, kiu desegnis ĉi tiun belegan bildeton, ŝi pensis, sed kopii ies laboron mi espereble povos ^Marta ; kiu estas la originala verkisto de tiuj komponaĵoj, kaj el kiu verko li kopiis ilin [6]; unu firmao ĉiam kopiis nian kuirilon kaj fabrikis ĝin en Britujo [7].

3.

(figure) Speguli: la akvo [estis] klara kiel spegulo, oni vidis en ĝi ĉiun arbon, ĉiun arbetaĵon ĉe la bordo [...] ĉio klare kopiiĝis en ĝi, nur kun la diferenco, ke ĉio staris sur la kapo [8].

4.

Imiti: kopii la gestojn de iu, la voĉon de aktoro; kopii hipokritajn sintenojn devus esti nenies fiero [9]; ĉion strangan kaj malbelan Kay povosciis kopii tre trafe, kaj la homoj diris: la knabo havas bonegajn kapablojn [10]; germanoj tradicie ne nur adoras sed ankaŭ kopias la usonan vivmanieron [11]; ĉiu […] devus havi unikan stilon, alikaze oni nur kopias [12].

Ago kopii kaj ties rezulto, reprodukto: stenografia kopio de […] letero [13]; kopio de la letero estis transdonota kiel leĝo en ĉiun landon [14]; la tradukoj estus ne fidindaj kaj donus malĝustan kopion de la tradukita verko [15]; la ĉefa vidindaĵo de la Kolonia Ekspozicio en Parizo estis la fama Templo de Angkor, perfekta kopio de l' originalo [16]; oni estigos ankaŭ kopion de la lago en malpli grandaj dimensioj [17]; en [la vaksfigura muzeo] estas prezentataj vivfidelaj kopioj de […] internacie konataj personoj [18]; mi prenis el la tirkesto la pezajn kopiojn de la romano [19]; la ĉefministro […] ricevis kopion de retmesaĝo [20]; de mia poŝtarĥivo nun troviĝas minimume tri kopioj en la komputilo [21]. ekzemplero, faksimilo, imito, kliŝo, paŭsaĵo¹

Aparato per kiu oni faras kopiojn: estas neniu problemo preni folion kaj laŭbezone ŝovi ĝin tra la firmaa kopiilo [22]; moderna oficeja fotokopiilo uzeblas ankaŭ kiel A3-skanilo [23]; telekopiilo + 49 40 656 06 59 (vd faksilo) [24].

Rezerva kopio de datumoj por protekti kontraŭ perdo de la originalo: regule faru savkopiojn, kaj enfermu ilin en [...] sekura loko [25]; en komputiko, sekurkopio, rezervkopio aŭ savkopio estas kopio de la datumoj kiuj troviĝas en komputilo sur alia memorejo [26].