^*aranĝ/i ^UV

(tr)

1.

Meti laŭ ĝusta ordo, ordigi oportune: li aranĝis […] sian tendon [1]; la Proverbaro Esperanta estas aranĝita laŭ la alfabeta ordo ^PrV ; aranĝite, ordigite ^PrV ; li aranĝis […] vicon da panoj [2]; la maŝoj devas esti reciproke aranĝitaj unu kontraŭ alia [3]; loĝejo […] aranĝita sur roko [4]; elegante aranĝita ĉambro ^FK ; li faris elekton el ĉiuj plejbravuloj en Izrael kaj batalaranĝis ilin kontraŭ la Sirianoj [5]; nia distrikta nobelestro […] aranĝis tian fizionomion, kian mi neniam ankoraŭ vidis [6]; kiel aranĝi tiamaniere, ke la estraro vidu mian fervoron kaj estu kontenta [7]?

2.

Pretigi, organizi, prepari, prizorgi, okazigi: aranĝi kongreson ^VivZam ; por lia honoro unu el la plej riĉaj familioj aranĝis grandan gastakcepton [8]; en tiu bonaranĝita festeno mankis nenio ^FK ; li venis tien ĉi nur por aranĝi disputojn [9]; ni aranĝis al ili tian historion, ke ili du semajnojn devos estingadi, se ili volos venki la fajron [10].

establi, instali

1.

Io aranĝita, maniero aranĝi: la aranĝo de radoj de veturilo [11]; jen estas la aranĝo de la kandelabro: forĝita el oro, de ĝia trunko ĝis ĝiaj floroj, forĝita ĝi estis [12]; de mi venas konsilo kaj bonaranĝo [13]; la aranĝo pri la impostoj, kiujn starigis la reĝo Salomono [14]; konvena aranĝo, kiu prezentis preskaŭ lukson ^FK ; mi iris kun la gemastroj en la duan ĉambron, kiu posedis […] belan aranĝon ^FK ; kuirejo montranta tradician sabatan kaj festan tabloaranĝon [15]; ne estas fiksita sidaranĝo, kaj la alvenantoj simple plenigis la divanojn senkonsidere pri sia socia rango [16]; la homoj por ĉiuj rilatoj intergentaj uzu lingvon neŭtrale-homan, kaj vivu, laŭ etiko, moroj kaj vivaranĝoj neŭtrale-homaj [17]; de lia vivo aranĝo estas trinko kaj manĝo ^PrV . ordo

2.

Organizita publika aŭ privata agado en formo de renkontiĝo, vojaĝo, kongreso ktp: kalendaro de Esperanto-aranĝoj; diskuti kun amikoj pri aranĝo de speciala Kongreso ^VivZam ; la aranĝo de regula […] voĉdonado [18]; aranĝo de torĉa procesio [19]; vi partoprenas en ĉiuj monkolektoj, filantropiaj projektoj kaj aranĝoj ^Marta ; li, kiel mastr’, ekskurson en kampojn preparis ⫽ kaj en domo aranĝojn por amuzo faris [20]. evento

3.

Maniero aranĝi datumojn sur datumportilo. formato^2.b, tekstaranĝo

1.

Io aranĝita rigardata kaj funkcianta kiel tuto: la tabernaklo kaj ĝiaj stangoj kaj ĝiaj kolonoj kaj ĝiaj bazoj kaj ĉiuj ĝiaj vazoj kaj ĝia tuta aranĝaĵo [21]; oni deprenu la katafalkon nun uzatan por la pontifikaj funebraj ceremonioj, anstataŭigante ĝin per aranĝaĵo humila kaj digna [22]; instrumenta aranĝaĵo kun kant-akompanaĵo [23]. komponaĵo

2.

[24] (de `p` el `n`, de `n` po `p`) Ĉiu el la diversaj manieroj vicigi `p` objektojn el n-elementa aro: la nombron de ĉiuj aranĝaĵoj de `n` po `p` oni signas per `A_n^p=n(n-1)(n-2)...(n-p+2)(n-p+1)`; la ses aranĝaĵoj de du elementoj el la aro `{a,b,c}` estas `ab`, `ac`, `bc`, `ba`, `ca`, `cb`. kombinaĵo, permutaĵo

Kiu volonte aranĝas; ordema, organizema: virino aranĝema kaj purema [25]; ili sukcesis krei grupon amika, aktiva, kaj aranĝema [26].

Iu okupata de aranĝado: li estis aranĝisto de komedioj, maskobaloj kaj ĉiaj elpenseblaj amuziĝoj [27]; li fariĝis bonega aranĝisto de festetoj kaj ekskursoj ^VivZam ; [li] konfidis la organizadon de sia vojaĝo al agentejo aŭ al vojaĝ-aranĝisto [28]. enscenigisto, organizado

(tr)

Adapti, bone kunmeti kun: juna fraŭlino […] en tiu momento estis alaranĝanta multekostan plumon de struto al velura ĉapelo ^Marta .

(tr)

Anticipe aranĝi: ni estas Lia faritaĵo, kreitaj en Kristo Jesuo por bonaj faroj, kiujn antaŭaranĝis Dio, por ke ni iradu en ili [29]; apenaŭ dekdujara li edziĝas per antaŭaranĝita geedziĝo, laŭ la hinduisma tradicio [30]; konkurso estas antaŭaranĝita batalo inter konkurantoj laŭ difinitaj reguloj [31].

Plene aranĝi, tiel ke la afero estu preta: mi devas lasi vin momenton por finaranĝi kelkajn aferojn en mia laborejo [32].

pretigi

Maniero laŭ kiu estas aranĝitaj la frazelementoj: la frazaranĝo SOV […] de la vaska, la turka, aŭ la japana [33].

Kunordigo; oportuna kunmeto de pluraj aferoj: li vestis sin eksterordinare bone, […] la kunaranĝo de la koloroj de la kostumo, de la kravato, de la ŝtrumpoj kaj de la elegantaj someraj ŝuoj estis bone elektita [34]; aspiro al […] superiro de la diversaj bariloj kaj al kunaranĝo de la konfliktoj [35]; ni devas konservi la disvolvan ideon de novigo, kunaranĝo, verdeco, malfermo [36].

Malordigi, dismeti: edziĝo malaranĝita [37]. diserigi, konfuzi, malhelpi, malkonstrui, malmunti, perturbi, renversi, ruinigi

Aranĝo maloportuna, kiu apenaŭ funkcias: bedaŭrinde, la belan apoteozon konfuzis iom da misaranĝo, kiu grave malaltigis ĝian artan valoron kaj efikis la esprimon de aroganta diletantismo [38]. konfuzo¹, malordo

Kompono de dancmovoj de unu aŭ pluraj dancistoj pro sceneja prezento; koreografio: [tio] inkluzivas multajn koncertojn kaj dancaranĝojn [39];

Arta meto de haroj, precipe de la kapharoj: ĉiam nete vestite en belaj vestaĵoj, ĉarma hararanĝo, ŝi konstante dum tiuj kunvenoj estis leganta iujn librojn [40]; ili argumentis, ke la hararanĝo konsistigas la ĉefajn propraĵojn de ilia ineco [41]; ĉu oni ŝanĝu eklezion, je la unua malfacilaĵo, kvazaŭ estus […] hararanĝo [42]?

Evento kun kulturaj programeroj (muziko, arto, kultura interŝanĝo ks): en Poznań okazas ĉiujare Artaj Konfrontoj en Esperanto, altnivela kulturaranĝo [43].

1.

Rearanĝo de plurvoĉa muzikaĵo, aldonante voĉojn, ŝanĝante harmoniojn kaj instrumentojn ktp: mi emas aldoni plurajn voĉojn en mia […] muzikaranĝo [44]; la altniveleco de la muzikaranĝoj kaj de la instrumento-ludado [45].

2.

Kulturaranĝo kun muzika programo: EUROKKA strebis helporganizi muzikaranĝon [46].

Maniero laŭ kiu la partoj de teksto (ĉapitroj, alineoj) estas aranĝitaj sur paĝo: kolumna paĝaranĝo [47].

Maniero kiel teksto estas aranĝita sur paĝo (tiparo, spacoj, marĝenoj, stiloj ktp): sur paperfolio oni povas ĝisrandigi la tekston dekstren, aŭ uzi alian tekstaranĝon; la presaranĝo estas bona, kvankam iomete tro multe troveblas nekorektitaj komposteraroj [48]; ĉe PDF-dosiero la tekstaranĝo en Kindlo estas jam fiksita [49]. enpaĝigo, fasono², tipografio

Versa metro: en la libera metriko kaj en la tipografia versaranĝo spureblas inspiro el Auld [50].