²rob/o ^JED

Longa ampleksa flirtanta vesto kovranta la korpon de brusto ĝis gamboj.

a)

Longa vesto kun manikoj, kovranta la korpon de kolo ĝis piedoj, kiun surhavis viroj de antikvaj kulturoj, homoj de iuj nunaj aziaj kaj afrikaj landoj, kaj iuj profesiuloj: la purpura robo de la reĝo [1]; la antikvaj Grekoj kaj Romanoj portis larĝajn, multfaldajn robojn, kiuj estis tre taŭgaj por oratorado [2]; ili vidis junulon […] vestitan per blanka robo [3]; alportu rapide la ĉefan robon, kaj lin vestu [4]; la maljuna reĝo, en nokta robo kaj broditaj pantofloj, iris renkonte al li [5]; kapucena robo [6]; li prenis la jezuitan robon [7]. surtuto

b)

Longa vesto unupeca, kun aŭ sen manikoj, kovranta la korpon de kolo ĝis piedoj aŭ parto de la gamboj, ofte striktigita per zono, kaj surhavata plej ofte de virinoj: vestita per la nigra robo de la avino [8]; li rekonis ŝiajn diversajn antaŭtukojn kaj robojn [9]; eleganta kremkolora robo ornamita de diskreta, sed rafinita, broĉo [10]; virinon prezentas tiu statuo kaj falbaloj de ŝia robo tre mole elverŝiĝas ĝis la plata tomba kovrilo [11].

Negliĝo, longa nestreĉa hejmvesto: Francisko en nokta robo rapide enkuras [13]; ili demetis de la mortinto la reĝajn vestojn, surmetis al li negliĝan robon, broditan per oro [14]; ŝi surhavis negliĝan robon, tra kiu sin modlis la majestaj kurboj [15]. piĵamo, surtuto